Намален бројот на пожари сезонава

Во август Територијалната противпожарна единица Куманово интервенирала 58 пати,а истиот период лани имало 117 интервенции.  Во јули имало 53 интервенции наспроти изгнаснати 60 пожари во истиот период лани. Најчести се пожарите на отворен простор.

На отворен простор во август се случиле 44 пожари. Најчето гореле сува трева и стрништа.Според нашата статистика во август имаме седум интервенции на објекти, една техничка интервенција, а интервениравме и при гасење пожари на моторни возила. Веќе од септември не очекуваме пожари од поголем размер на отворен простор.Поради врнежливото време дури и да се случи пожар на отворено, мошне бргу може да се локализира - изјави Дејан Илиевски, командир на Територијална противпожарна единица Куманово.

Од почетокот месецов кумановските пожарникари изгаснале неколку пожари. Во ниту еден пожар нема повредени, туку само е причинета е материјална штета.