Нема опасност од излевање на реките

Од Центарот за управување со кризи во Куманово велат дека состојбата ја следат и овие врнежи повеќе ќе донесат корист одошто штета. Потенцираат дека 80 км од речните корита во кумановско, вклучувајќи го и липкововско се исчистени и можат да акумулираат вода без проблем.

Критични точки се делот кај Клечовце каде се спојуваат Крива Река и Пчиња, тука 4 км има простор кај што не е чистено. На овој терен ќе се работи кон крајот на мај. Помеѓу Војник и Стрезовце и помеѓу селата Пчиња и Студена Бара порано имало изливи. Ако е потребно ќе побараме механизација од Дирекцијата за заштита и спасување или некоја друга фирма која има склучено договор со Владата, но нема да ги оставиме луѓето на цедило. Дури и утре ако има врнежи, не е страшно и реките ќе издржат - вели Горан Стојановски, раководител на Центар за управување со кризи во Куманово.

Тој додава дека се што е над 65 метри кубни во секунда може да доведе до излевање. При посериозни поплави може да се формира и координативно тело.