Нова аптека во Куманово и две во Липково

Овие аптеки се дел од 66 - те нови аптеки кои ќе се отворат ширум земјава со решенија издадени од Министерството за здравство. Со ова лековите ќе бидат подостапни за населението во руралните средини и тие ќе заштедат време и пари.

Согласно најновите измени и дополнувања на Законот за лековите и медицинските помагала, ПЗУ аптеки кои имаат 2 или повеќе аптеки во иста општина или 5 или повеќе аптеки на ниво на Република Македонија, задолжени се да  отворат аптеки, аптекарски станици во рурални подрачја, односно подрачја со население до 3500 жители.