Обука за поддршка на млади претприемачи во Старо Нагоричане

Обуката е дел од проектот “Мрежа за поддршка на млади претприемачи“ и има за цел да ги зајакне капацитетите на граѓанските организации и да го поттикне младинското претприемништво. Преку проектот ќе се поврзат владиниот, бизнис секторот и граѓанските организации.

Цел на проектот е да се формира првата национална мрежа на граѓански организации кои ќе се фокусираат на младинско претприемништво и социо - економскиот развој на младите во земјава. Мрежата  ќе понуди обуки, индивидуално советување, промоција на активности, подготовка на проекти на организациите.

Проектот е финансиран од Европска Унија, а го реализираат ПСМ Фондација, Фондација МИР, Национален центар за развој на иновации и претприемачко учење и Здружение на работодавачи на Скопје.