Одбележани 71 година од загинувањето на Карпош

Почит на херојот му оддадоа делегации од Сојузот на борци, општина Куманово, политички партии, граѓански здруженија и други. Од Сојузот на борци рекоа дека се гордеат со Карпош и НОБ.

Секој град во Република се гордее со некого, ние не само што се гордееме туку и ја почитуваме НОБ, каде се изроди легендата Карпош. Ние секогаш ќе се навраќаме на него, ќе го посетуваме и никогаш нема да го заборавиме. Вечно ќе го носиме во нашите срца - кажа Благе Јакимовски, секретар на Сојуз на борци Куманово.

Спирко Зафировски, борец од НОБ лично го познавал Карпош и вели дека со мал број на партизани ослободил голема територија.

Во првите борбени дејствија Карпош се истакнува како командант. Негова одлика е што со мал број партизани создаде голема слободна територија. Ја уништи целокупната окупаторска заседа на Козјачие и стекна огромна доверба  и масовно се приклучуваа во неговите редови. посебно беше ценет затоа што изврши големи задачи. Ја запали општината во Орашац, Градиште и многу други општини со малку жртви - изјави Зафировски.

На 7 февруари 1944 година во Биљача , прешевско окупаторските војски го убиле Карпош.