Општината потрошила 300 милиони денари во првиот квартал

Парите се потрошени за тековно работење на општината, реализирање на програмите на јавните претпријатија, изградба на улици, изградба на Затворениот градски базен и друго. Советниците од ВМРО-ДПМНЕ имаа забелешки за буџетот за кој сметаат дека е нереален.

Овој буџет ќе ја доживее истата судбина на претходните буџети. Тој е нереално скроен и нереално планиран. До крајот на годината не може да биде остварен повеќе од 80 отсто“ - рече Мирослав Стојановски, советник од ВМРО-ДПМНЕ.

Ирена Илиевска од секторот за финансиски прашања во општина Куманово, објасни каде и за која намена се потрошени парите.

Капиталните приходи се реализирани 7 отсто во однос на планот, а тие во најголем дел се за изградба и реконструкција на улици, изградба на Затворен базен, дел од јавното осветлување, како и одржување на јавното осветлување во градот“ - кажа Илиевска.

Советниците го усвоија кварталниот извештај за извршување на буџетот на општина Куманово за прв квартал од 2015 година.