Основци ќе одат на размена во Швајцарија

На оваа размена ќе учествуваат деца од ромска, македонска и турска националност, а преку други организации ќе бидат испратени и албански деца. Ќе ги посетат водопадите на Рајна, Цирих, ќе шетаат, ќе одат во фабрика за чоколада. Но нема да биде само шетање, туку ќе има и едукативен дел. Тие ќе следат предавања за антирасизам и за тимска работа. Онаму кај што ќе бидат сместени ќе ги извршуваат домашните обврски - вели Анета Додевска, администратор во Рамаси.

Размената е планирана за деца од седмо и осмо одделение кои веќе учествувале на работилниците кои ги организира оваа невладина организација. Се води сметка да бидат вклучени и деца од маргинализирани групи. Посетата ќе трае две недели, а е финансирана од Детската фондација Песталоци.