Отворена изложбата на Живојин Трајановиќ

Изложбата го претставува досегашниот опус на авторот, претставен во вид на скици. Поставката е поделена на драмски, балетски, со акцент на оперскиот дел, бидејќи Трајановиќ речиси целиот работен век го поминал како сценограф во Македонската опера и балет.

Уште од основно образование имал афинитет кон ликовната уметност, а по дипломирањето на Филозофскиот факултет во Белград, остек историја на уметност, а потоа и на Академијата за применета уметност во Софија  започнува со работа.

По работата во кумановскиот театар бев во телевизија и токму тој дел ме повлече кон оперските и балетските претстави до самото пензионирање - кажа Трајановиќ.

За творештвото на Трајановиќ говореше критичарот Владимир Величковски кој вели дека преку сценографијата се воспоставува првиот контакт со публиката.

Очигледно е дека има ангажиран однос, творечки однос, креативен, она што подразбира многу работа, вложување на знаења, практични и есететски - вели критичарот.

Изложбата ја реализира Музеј Куманово во соработка со Дирекција за култура и уметност од Скопје.