ОУ “11 Октомври“ организираше “Игри без граници“

Овие игри и спортски активности се насловени како “Игри без граници“. Целта е преку еден ваков настан децата да се дружат, а истовремено да се одбележи Месецот на книгата, Детската недела и почетокот на есента.

Имаме седум активности, а децата се поделени во пет групи. Ќе треба да има многу навивање, натпреварување, дружење и тоа е поводот. Ова е интерактивен традиционален ден. Имаме редење на поетски слики според песна на тема “есен“, игра која се вика “вреќичка“ каде децата ќе треба да ги вклучат сетилата, “жешко столче“ и друго. Предвидени се неколку музички точки. Ќе имаме и наши поети кои ќе се претстават со песни кои ги твореле на паузите - рече Лидија Јовановска, училишен библиотекар.

Во настанот беа вклучени ученици, наставници, воспитувачи и родители.