Почнува уписот на првачиња

Секој работен ден родителите со извод од матична книга на родените, потврда за примени вакцини и потврда за систематски преглед кај стоматолог можат да ги запишат своите деца во основно училиште. Тие треба да се обратат во педагошко-психолошките служби.

 Уписот по правило треба да трае до крајот на мај, но повеќе запишувања на ученици има во јуни, јули, така што рокот се пролонгира и трае и во август. Можат во основните училишта да се запишат деца родени во Куманово и со адреса на живеење во Куманово. Секоја година има приближно ист број ученици. Бројката може да биде за плус или минус 30 до 50 ученици- вели Миле Стојменовиќ, раководител на сектор за образование во општина Куманово.

Во 16 основни училишта во градов годинава треба да се запишат 1 400 првачиња.