Проблемот со вода на седница на Влада

За проблемот со водоснабдувањето на Куманово се заинтересира и Владата. Директорите на Водостопанство „Кумановско-липковско поле„ Филип Филиповски и на ЈП „Водовод„ Виктор Божиновски денеска во Комисијата за економски систем информирале за состојбата на терен и ги изнеле проблемите со кои се соочуваат при испораката на вода. На средбата присуствувале министерот за животна средина, Абдилаќим Адеми и заменик министерот Зоран Коњановски.

 По информацијата, во комисијата ќе изготват заклучоци и предлог-решение со мерки, кои ќе се разгледуваат на една од наредните седници на Влада.