Продолжува проектот “Безбедни училишта“

 Ова година ќе се сумираат резултатите од лани,  проектот ќе се збогати со нови идеи, ќе се формираат училишни тимови за безбедност и ќе се одржат неколку работилници и ќе се доделат благодарници на учесниците.

“Најдоцна до 15 октомври би требало да се одржат најмалку четири работилници на наше подрачје. За училишните тимови за безбедност темата е “Колку безбедноста во училишната средина влијае на квалитетот на наставата“. И со родителите за улогата и влијанието на родителите во создавањето на безбедна училишна заедница. Ќе биде проследено со соодветна заедничка практична активност “Игри без граници“, преку која што родителите ќе им дадат поддршка на учениците и апел на другите родители за важноста на родителот за безбедноста на децата, правилен раст и развој и насочување во животот“ - изјави Виолета Богдановска од отсек за превенција во СВР Куманово.

Ќе биде распишан и конкурс на кој учениците ќе дадат идеи за изработка на постери и календари на тема безбедност. За најдобрите предлози ќе следуваат и награди.

Проектот “Безбедни училишта“ го реализира отсек за превенција при СВР Куманово во соработка со локалните самоуправи и со поддршка од Мисија на ОБСЕ.