Професори од “Киро Бурназ“ ќе обучуваат земјоделци

Обуките ќе почнат кон крајот на месецов, а предавањата ќе ги држат професори од Земјоделското училиште “Киро Бурназ“.

Ова ни е втор или трет циклус во рамки на проектот кој го работиме со Здружението на земјоделски производители и нивните членови. Активностите се финансирани од Норвешката Влада. Можат да дојдат сите заинтересирани, вработени и невработени луѓе. Целта на проектот е да се постигне работно оспособување. Учесниците ќе полагаат и ќе добија уверение кое е признаено од Агенцијата за вработување - вели Горан Јовановиќ, директор на “Киро Бурназ“.

Нако Николовски, претседател на Здружението на земјоделски производители вели дека е потребно да се оформи група од петнаесетина луѓе за да се почне со предавања. Фармерите ќе следат теоретски и практичен дел.

 Ќе учат за управување со механизација, шест теми за млекопроизводство ќе има и тие ќе се поминат за четири дена. Ќе научат како да менаџираат со фарма и да управуваат со отпад на фарма. Земјоделците на крај ќе полагаат и ќе добијат потврда со која се надеваме ќе им се олесни вработувањето - рече Николовски.

Обуките ќе се оддржат во просториите на Земјоделското училиште “Киро Бурназ“ во Долно Којнаре.