Расчистен дивиот пазар кај Спортска сала

Од Секторот за инспекциски надзор претходно на продавачите им укажале дека веќе нема да можат да продаваат на оваа локација.

Локацијата е чиста. Нема ниту еден продавач на половна роба на овој простор. Трговците се предупредени дека не смеат да продаваат на локација која не е предвидена за таа намена и дека доколку продаваат ќе им биде одземена стоката и ќе бидат изречени прекршочни казни - изјави Вера Лазаревска, раководител на сектор за инспекциски надзор во општина Куманово.

Продавачите ќе можат во четврток и недела своите производи да ги продаваат во близина на Добиточниот пазар во Долно Којнаре.

И во наредниот период ќе има акции за расчистување на нелегалните продавачи низ градот.