Распишан конкурс за Ноемвриска награда

Предлозите треба да се достават до Комисијата за одбележување на празници и манифестации и доделување на награди и признанија најдоцна до 31 октомври.

„По повод Денот на ослободување, општина Куманово и оваа година ќе ја додели традиционалната “Ноемвриска награда”. Делото, односно постигнувањата да бидат достапни на јавноста до 11 октомври годинава, а авторот на делото да е жител на општината Куманово, организацијата или заедницата да е од општината Куманово, односно делото и постигнувањата да се тематски врзани за општината Куманово. Право на предлагање на кандидати за Ноемвриска награда на општината Куманово имаат претпријатијата, установите, здруженијата, месните заедници, група граѓани и поединци“ - информираат од општина Куманово.

“Ноемвриска награда“ се доделува на поединци, претпријатија и други организации, установи, здруженија и заедници чии резултати во работењето претставуваат посебно остварување во областите на стопанството и вонстопанските дејности, во текот на едногодишен и повеќегодишен период.

Минатата година Комисијата не ја додели Ноемвриската награда затоа што сметаше дека нема квалитетни пријави.