Само половина деца во Средорек се вакцинирани

 Затоа последниот ден од Светската недела за имунизација и тие се вакцинираа во присуство на министерот за здравство Бујар Османи.

Дојдовме во Средорек, каде се вакцинирани само 50% од децата, што е значително помалку во однос на целокупната слика во Македонија, каде процентот на вакцинираните деца се движи помеѓу 95 и 98 проценти.Затоа сме тука да ги повикаме родителите да ги вакцинираат децата.Тенденција на министретвото е да станеме најдобри во регионот во однос на имунизацијата - рече министерот Османи.

Проблемот со невакцинирање на децата во Средорек е главно поради неодговорноста на родителите, но и поради немањето на лични документи на децата.

Марија Кишман од канцеларијата на Светската здравствена организација вели дека консултантите од регионалната канцеларија постојано се на терен и имаат увид во состојбата на Македонија во ремките на неделата на имунизацијата. Кишман побара  овој сектор да не се приватиизира,со што се сложува и министерот кој истакна дека не е предвидена приватизација на службата на вакцинација.

Што се однесува до состојбата со недостигот на лекови во некои аптеки, министерот Османи, рече дека инспекторите постојано се на терен и се чека на формулирање на конечниот извештај.Според,Османи ако е потребно ќе се менува и правилникот се со цел да не се почуствува недостиг од лекови."Нема да дозволиме да се вратиме во времето кога лекови имаше само до 10-ти во месецот"- вели министерот.

Според,Османи ако е потребно ќе се менува и правилникот се со цел да не се почуствува недостиг од лекови.Фондот донесе правилник со кој се утврдуваат критериумите за дистрибуција на лековите во аптеките,според кој значајна е бројката на вработените во аптеките и бројката на жителите.

Сепак, луѓето имаат навика да се снабдуваат со лекови од одредени аптеки.Ако е потребно ќе се изврши ревизија на правилникот со единстевна цел пациентите да не почуствуваат недостиг на лекови"- додава Османи.