Се мери бучавата на крстосниците во Куманово

Бучавата се мери четири пати во текот на денот и тоа во 10, 13, по 19 часот и ноќна бучава по 23 часот. Откако софтверски ќе се обработат податоците за бучавата, тие ќе бидат проследени до Министерство за животна средина, Министерство за здравство, до општината и Совет на општина Куманово, како годишна информација со предлог мерки.

“Ова што ние го мериме е бучава во надворешна средина, а колку таа бучава стигнува внатре во становите, колку населението е изложено, таа бучава се проценува преку анкетни прашалници кои дополнително се прават. Имаме направено околу 150 анкети до сега и според обработката на податоци се гледа дека постои некој степен на вознемиреност кај граѓаните од дневната и од ноќна бучава “ - објаснува Мимоза Величковски од Центар за јавно здравје Куманово.

Бучавата се мери два пати годишно, еднаш во пролет и еднаш на есен.