Скаути четврти на државно првенство

Натпреварот се состоеше од 15 различни категории, при што имаше општи тестови, врзување на јазли, монтирање на шатори, семафор и слично. За претседателот Слаѓан Станковиќ, овој резултат е послаб за разлика од претходните години кога кумановскиот одред беше првак.

Да бидеме самокритични, овој резултат е слаб ако се земе во предвид дека со години бевме прваци. Тоа се должи на смената на генерации, недоволна сериозност, недоволна подготовка. Извидниците натпреварите ги сфаќаат како забава и дружење и тоа се одрази на крајниот исход - изјави Станковиќ.

Домаќин на првенството беше скопскиот одред “Јадран“. На натпреварот учествуваа девет одреди од Македонија.