Слепите лица бараат ослободување од комуналии

Слепите луѓе засега уживаат мал број бенефиции како што се шест повратни бесплатни возења во текот на годината за нив и за нивниот придружник. Досега е издејствувано и бесплатно паркирање.

 За потребите на едно четиричлено семејство добро е да се дозволи да не плаќаат сметки за вода. Ова да не биде милостина, туку да се изедначат слепите луѓе со здравите луѓе. Не е исто сепак, бидејќи здрава жена кога мие садови ќе потроши помалку вода. Здрава жена ќе види дека на кошулата има само една дамка, а слепата жена таа кошула ќе ја пере бидејќи не гледа и непотребно ќе направи трошок. Исто и за електрична енергија. Слепиот човек не може да се грее на дрва, ако летне една искра, а тој не гледа може да предизвика пожар. Него му е неопходна енергија за загревање на домот. Овие луѓе кога ќе ги видат на улица со бел стап се чудат, и не им даваат предност во сообраќај. Ако ги сожалувате само ќе ги навредите - велат од Сојузот на слепи лица Куманово.

Со измените на Законот за сообраќај направени во март 2012, лицата со оштетен вид се ослободени од плаќање на патарина, а имаат и поволности за телефонски услуги.