Со шаховски турнир до поголема свест за заштита од кражби

Претставници на месни заедници и граѓани играа шах, а целта е да се подигне свеста за заштита на имотот од кражби, за што полицијата имаше неколку месеци кампања и го едуцираше населението.

“Изготвени се со совети за тоа како да се заштитиме од кражби, а тоа е несоодветно чување на вредни предмети, оставање на вредни предмети на видно место, незаклучени прозорци, врати, балконски тераси или пак објавување на фејсбук или другите социјални мрежи податоци дека семејството е отсутно од дома. Тоа е примамливо за пријателите кои всушност им се непријатели. Гледаме дека има интерес и овие работи ќе продолжат“ - вели Виолета Богдановска од отсек за превенција во СВР Куманово.

Богдановска вели дека треба да се зголеми совесноста и граѓаните да пријавуваат доколку видат нешто сомнително и се сомневаат дека се работи за кражба.

Во иднина се планира овој турнир да биде традиционален. Шахистите ги посети и министерката за внатрешни работи Гордана Јанкулоска.