Со задоцнување почна сеидбата

За разлика од претходните години, кога жито се сееше околу 15 октомври, поради сушата годинава рокот е пролонгиран.

- Земјоделците треба да го искористат периодот да ги завршат своите обврски, да изораат и да фрлат ѓубриво. Ѓубривото треба да се растури и да се заора за да хранливите материи останат во почвата која има доволно влага. Им препорачувам на земјоделците да направат хемиска анализа и да видат кои елементи фалат во почвата или да практикуваат плодоред, со тоа што различни култури ќе сејат или садат секоја година - рече Живка Наумова, раководител на Регионален центар на Агенцијата за поттикување на развој на земјоделството.

Во околината најмногу се сее јачмен и пченица. Оние кои имаат поголеми површини со пченица, родот го продаваат, а јачменот се користи за прехранување на стоката.