Списанието “Корени“ слави јубилеј
Во Центарот за култура “Трајко Прокопиев“ утревечер ќе биде промовиран новиот број на списанието “Корени“, а ќе бидат доделени наградите на најдобрите есеисти.
Списанието ќе го прослави и својот јубилеј десет години постоење и успешна работа.
Освен награди за “Мартовските есеи 2012„, ќе има и портрет на проф.др. Лидија Капушевска Дракулевска. На промоцијата ќе говорат Александар Прокопиев, Трајче Кацаров, Валентина Миронска Христовска, Сувад Алаѓиќ, Христо Петрески, Анастасија Ѓурчинова и Лидија Капушевска Дракулевска.
Во програмата учествуваат Кети Дончевска Илиќ, Љубица Гојковиќ, Милена Гиевска и С.Лутовац.
Настанот почнува во 19 часот и е под покровителство на градоначалникот Зоран Дамјановски и Советот на Општина Куманово.
Списанието кое важи за книжевен мозаик го издава Здружението за наука и култура “Парадигма“ од Куманово.