Стојковска: Чест ми е што сум прва кума за Божиќ

Тоа за мене значи голем чест и задоволство. 10 години се бираше машко, а оваа година падна одлуката кумството да се даде на понежниот пол. Жените го заслужуваат тоа, бидејќи со своите сопрузи рамноправно учествуваме во сите коледатски активности. Убаво е чувството да се чува и негува традицијата и да се пренесува на помладите генерации. Јас како член на управниот одбор на здружението на граѓани „Коледари„ ќе се борам догодина кум да биде помлад коледар, би сакала тоа да биде дете, за да му ги пренесеме нашите традиционални вредности-вели Стојковска.

Таа ќе го преземе кумството од ланскиот кум во цркава на денот на Бадник.Потоа на Градскиот плоштад ќе бидат поделени осветени бадникови гранчиња, лепчиња со паричка, овошје и топла ракија. Предходниот ден на пети јануари во селото Романовце, коледарите ќе ги берат бадниковите дрва.