Свечена академија на резервните офицери

На свечената академија ќе се обрати претседателот на организацијата, Ѓорѓи Малковски.

“На нашите борци од Куманово ќе им бидат доделени благодарници и ќе има доделување на награди за литературни творби на ученици. Ќе настапи групата “Тоска“ која работи при Центарот за култура. Датумот таман се поклопува пред 11 ноември - Денот на ослободување на Куманово. Се одржуваше свечената академија по другите градови, сега истото се одбележува во Куманово“ - вели Синиша Богдановски, претседател на Организација на резервни официри на Република Македонија - Куманово.

Оваа организација во Куманово брои 60 - тина членови и за следната година за одбележување на историски важните датуми се планира побогата програма.

Академијата ќе се одржи во Центарот за култура “Трајко Прокопиев“ во понеделник во 12 часот.