Третина од земјоделците користат течно ѓубриво

Последниве три години Здружението на земјоделски производители од Куманово од соседна Бугарија во април увезува течно ѓубриво, но за во иднина неизвесно е дали ова ѓубриво ќе се набавува.

Не се едуцирани земјоделците. Тие се навикнати на она класично ѓубриво кое се фрла рачно. Течното ѓубриво е квалитетно и се нанесува за потхранување преку лист на сите култури без разлика дали е раноградинарски производ, житарица, овошки, лозје. Малку е посложено тоа што треба да се употреби трактор и да се бара прскалка. Се плашат ако е веќе житото пораснато да не го згазат и воопшто не сакаат да фрлаат течно ѓубриво. Во другите земји ова е широко распространето. И на саемот во Нови Сад имаа прилика да чујат земјоделците за овој вид на ѓубриво. Колку е поразгрането растението толку е подобро да му се стави течно ѓубре за потхранување - вели Стојко Ивановски, секретар во Здружение на земјоделски производители.

Тој објаснува дека само 30 проценти од земјоделците во кумановско на нивите фрлале течно ѓубриво.