Вежби за прва помош во „Киро Бурназ“

Под мотото “Биди херој, спаси нечиј живот“ на овој начин го одбележаа 13 септември - Светски ден за прва помош.

Главната порака е дека првата помош спасува живот во итни состојби и дека секој и секаде може да биде херој. Несреќата голема или мала, природна или предизвикана од човекот може да се случи во секое време и може да го погоди секого. Знаењето и брзата акција за време на криза може да направи разлика помеѓу животот и смртта - вели Ива Младеновска, координатор по прва помош во Црвен Крст Куманово.

Треба да се подигне свеста дека учениците, возачите и вработените треба да знаат како се укажува прва помош.