Водоснабдувањето во Куманово ќе се нормализира?

По еднонеделната криза, од утре со новите од 160-180 литри ќе се добијат над 400 л/с вода, која ќе ги задоволи потребите на градот.

Лутите ривали,  директорот на ЈП „Вододвод“ Виктор Божиновски и директорот на Водостопанство Филип Филиповски, одржаа заедничка прес-конференција на која соопштија дека се надминати несогласувањата во интерес на граѓаните, и проблемот со недостаток на вода е веќе минато.

 Било која политичка групација не може граѓаните да ги остави без вода. Се договоривме “Водовод“ да ја зголеми досегашната месечна исплата, а ние ќе работиме на отстранување на дефектите на цевководот- рече Филиповски.

Се надевам дека во иднина нема да имаме слични проблеми и ги повикувам граѓаните рационално да ја трошта водата и да ги плаќаат сметките за да можеме нормално да функционираме. Ние редовно ќе ја плаќаме месечната количина на дистрибуирана вода и ќе одвоиме дополнителни сретства за намалување на долгот - изјави Божиновки.

 Во решавањето на проблемо учествуваше градоначалникот на Куманово и министри од Владата.

Водовод и Водостопанство дополнително ќе се договараат за цената на водата, која досега беше основен проблеми околу кој не можеа да се усогласат.