Вонредна вакцинација за децата во Средорек

Стотината родители беа повикани да ги донесат децата на вакцинација, затоа што тоа не го сториле во редовниот термин.

Одзивот засега е многу мал, бидејќи дојдоа само триесетина посто од родителите со децата. Се работи за деца кои не се вакцинираат редовно или воопшто не се вакцинирани. Целта на оваа недела е да се најдат сите деца кои не се редовно вакцинирани, како оние кои и живеат во рурални средини и немаат можност редовно да ги донесуваат децата -вели докторка Јадранка Стеменковска.

Најголем број на невакцинирани деца има во населбите Средорек, Бавчи и Анѓа Ранковиќ. Таму дури 50 проценти од децата не ги примаат вакцините. Вкупниот процент имунизација на територијата на трите општини Куманово, Липково и Старо Нагоричане излегува 95 проценти.