За насилство на децата не треба да се молчи

Анализата на податоците, добиени од работата на СОС-телефонот во последните неколку години покажале дека се зголемени пријавите за злоупотреба и насилство на децата. Последиците се многу сериозни по развојот на детската личност. Стравот, несигурноста, ниската самодоверба, недовербата во институционалната заштита и неинформираноста за службите кои треба да обезбедат помош и подршка се најчесто причината поради која децата молчат и го трпат насилството.

Преку оваа кампања сакаме да ги охрабриме децата да го пријавуваат насилството на СОС - телефонот за деца и млади 0800 1 2222. Неопходно е да се проговори за насилството и за злоупотребата врз децата - апелираат од „Меѓаши“.

Тие  нагласуваат дека покрај  СОС - линијата,  континуирано работи и бесплатната правна служба, која зависно од видот на проблемот постапува со писмени обраќања до различни државни институции.

Кампањата за помош на децата жртви на насилство ќе се врши и преку билборди, а еден ќе биде поставен и во Куманово.