Законот за млади не смее да го одмине Куманово

 Поради тоа членовите на Центарот за меѓукултурен дијалог се револтирани од таквиот однос, и  се сомневаат дека финалната верзија на законот ќе донесе подоврување на младинското организирање и делување.

Центар за меѓукултурен дијалог како најголема младинска организација која за квалитетот на својата работа е меѓународно ценета и признаена, нема да дозволи младите од Куманово за кои постоиме и работиме, да бидат оставени настрана од овој процес. Сметаме дека Куманово има што да понуди во предлози за уредување на законот за млади. Да ве потсетиме – МултиКулти е најголем и најорганизиран систем на квалитетна младинска работа што некогаш се водел во некоја заедница во Македонија. Куманово наскоро ќе има и демократски совет на млади и Куманово е една од првите општини што доби стратегија за млади- се вели во соопштението на Центарот за меѓукултурен дијалог.

 Од таму ги покануваат сите претставници на младински организации, младински неформални групи, фолклорни и останати културно уметнички друштва, политички подмладоци, навивачки групи, религиозни групи, спортски клубови за млади и сите останати форми на младинско организирање да бидат гласни во искажување на нивните идеи за новиот Закон за млади со цел тој да биде квалитетен и достоен за сите млади.

Центар за меѓукултурен дијалог  е подготвен да организира консултативен состанок и дискусија во МултиКулти младинскиот центар – Тоде Мендол и очекува сите млади да застанат во одбрана на вистинското учество.