Запалени две комбиња

 Вчера на паркингот пред поранешената фабрика „Киро Фетак„ биле запалени две комбиња сопственост на газдите на ресторанот „Дрини„ од селото Слупчане.

Неофицијално дознаваме дека пожарот бил подметнат и предизвикан со молотов коктел, поради што целосно изгореле возилата. Се претпоставува дека причина за пожарот е незавршената пресметката на двете семејства кои пред неколку дена се спукаа со автоматски пушки поради имот во кругот на поранешната фабрика. Тогаш беа изрешетани 6 автомобили.

Осомничените за пукањето викендот беа приведени, а истражен судија им одреди куќен притвор што предизвика негативни реакции кај кумановската јавност.