Земјоделците се вратија од саемот во Нови Сад

Таму имале можност да видат најсовремени машини, винарии, капацитети за млеко, хибридни семиња, а присуствувале и на предавања за начинот на производство на одредни култури. Дел од нив набавиле и делови за нивната земјоделска механизација.

Не сите машини кои таму беа презентирани можат овде да се употребат бидејќи се многу големи и се за комбинати, односно блокови какви што имало порано. Тоа не е за наше поднебје, но сепак имаше многу убави работи да се видат на огромна површина. Имаше трактори италијански, руски, германски. Присутни беа луѓе од Валандово, Прилеп и од Земјоделското училиште наше имаше професори - вели Стојко Ивановски, секретар на Здружение на земјоделски производители Куманово.

Повеќето земјоделци од кумановско заминале организирано, но имало и заинтересирани кои самоиницијативно отпатувале во Нови Сад.