ЗНМ на 11 декември ќе бира ново раководство

 Сите новинари кои сакаат да се зачленат во ЗНМ пред Изборното собрание овој пат тоа може да го сторат до 3 декември. Неопходно е новинарите да имаат минимум една година работно искуство, подготвена кратка автобиографија, како и документ од работната организација со печат и потпис.

На денот на собранието да се кандидираат кандидати за претседател на ЗНМ и раководни тела.

 Македонската јавност мора да ја врати довербата во медиумите и новинарството. Очекувам поголем број заинтересирани на 11 декември, да победи демократијата и повторно да покажеме високо ниво на достоинство,изјави актуелниот претседател Роберт Поповски.

На 20 ноември собранието беше откажано поради големиот број новопријавени кандидатури за членови на ЗНМ и нелегални пријави на денот на изборот кога требаше да се изгласа ново раководство - претседател, Управен и Надзорен одбор, како и Совет на честа.