Кумановци ја слават големата победа на кошаркарите

 Околу илјада млади, со развиорени знамиња, вклучени сирени на автомобилите и скандирање „Македонија, Македонија„,  шетаат по градските улици за да им одадат признание на спортските херои.

Секоја чест, имаме зошто да славиме. Кошаркарите покажаа извонредна игра во одбраната и голема пожртвуваност на теренот. Кога граѓаните и политичарите би биле сложни како нив каде би ни бил крајот? Верувам дека вака ќе играат и во финалето- вели Игор.

Лудило е! Се виде дека нашите кошаркари се сложни и го даваат нивниот максимум, бидејќи ја чувствуваат подршката од целата држава. Конечно сплотени и единствени. И ако не играат во финалето, тие се за нас победници на ова европско првенство- вели Андријана.