Бесплатен скрининг за болести на црн дроб во понеделник во Куманово
По повод Светски ден за борба против хепатитисот, Министерството за здравство, заедно со Хепар Центар-Битола и клиниките за гастроентерохепатологија и инфективни болести, почнуваат заедничка национална кампања за бесплатен и анонимен скрининг за хепатитис Б, хепатитис Ц и ХИВ, како и еластографија за хронични црнодробни заболувања.
Националната кампања ќе се реализира во 10 градови во државата.
Во понеделник, 28 јули, во Скопје на плоштад „Македонија“ од 10 до 13:00 часот и во Куманово на Градскиот плоштад 18:00–20:30 часот, ќе биде поставена мобилна единица од каде почнува бесплатниот и анонимен скрининг за навремено детектирање на болести на црн дроб.
Целта е подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб.
СПИСОК НА ГРАДОВИ КАДЕ ЌЕ СЕ ВРШИ БЕСПЛАТЕН СКРИНИНГ
28 јули | Скопје: 10:00–13:00 / Куманово: 18:00–20:30
30 јули | Тетово: 10:00–12:30 / Гостивар: 18:00–20:30
01 август | Струга: 10:00–12:30 / Охрид: 18:00–20:30
04 август | Битола: 10:00–12:30 / Прилеп: 18:00–20:30
06 август | Штип: 10:00–12:30 / Гевгелија: 18:00–20:30
НАЈНОВИ
-
Д-р Аргиров со научен труд на престижен конгрес во Бари: „Искуствата од светските лекари се применливи и кај нас“
-
Бесплатен скрининг за болести на црн дроб во понеделник во Куманово
-
Донесени законите за линеарно зголемување на пензиите и ваучери за студентите
-
Млад и без политички багаж ќе биде кандидатот за градоначалник на Куманово од Левица, велат од партијата
-
ЗНАМ ги повика граѓаните да се вклучат во креирањето на локалната програма
-
Двајца повредени откако автомобил излетал од автопатот кон Табановце
