Зачленете се во нашиот клуб на читатели и најновите текстови ќе ги добивате на вашата мејл адреса
Две малолетни лица синоќа биле нападнати и повредени во близина на Автобуската станица во Куманово. Инцидентот се случил пред 22 часот, по што интервенирала полицијата и го привела напаѓачот.
„На 8 октомври во 21.50 часот, полициски службеници од СВР Куманово го лишиле од слобода М.К.Б.(28) од Сојузна Република Германија затоа што на улица „Доне Божинов“ во Куманово со остар предмет нападнал двајца малолетници додека питачеле, кои се здобиле со повреди констатирани во Општа болница Куманово“, соопшти СВР Куманово.
Напаѓачот бил приведен во полициска станица и по целосно документирање на случајот против него ќе следува соодветна пријава.
Зачленете се во нашиот клуб на читатели и најновите текстови ќе ги добивате на вашата мејл адреса
