(ВИДЕО) Ставен под контрола пожарот на депонијата „Краста“, густ чад се шири од ѓубрето

Ставен е под контрола големиот пожар што синоќа ја зафати депонијата Краста, но се уште тлее ѓубрето, поради што целиот регион е обвиткан во густ чад.

Пожарот, кој избувна синоќа околу 22 часот , а ставен е под контрола околу 3 часот по полноќ , од вработените во ЈП „Чистота и зеленило“, месното население и противпожарната екипа.

„Доколку не се мобилизиравме ќе изгореше целотот поле и ќе дојдеше до куќите во селата. Алармиравме уште пред три дена дека постои опасност пожарот да се прошири, но никој не не слушаше, ни велеа дека ситуацијата е под контрола. Сега состојбата е повеќе од алармантна, пожарот е изгаснат ама се гушиме во густиот дим, нема изгледи дека брзо ќе се реши состојбата, единствено ако заврне“, вели Александар Илиевски, претседател на месната заедница на селото Пчиња. 

Поради густиот чад месното население од селата Пчиња, Студена Бара и Вакв денеска го блокираа влезот на депонијата Краста, и не диозволуваат да се изнесува сметот од градот. Тие се револтирани затоа што никој од надлежните не дошол во текот на ноќта, иако биле повикани претставници од локалната самоуправа, советници, пратеници.