Kомедијата „Здивот на ѓаволот“ на Театар Ловеч од Бугарија вечерва во Центарот за култура во Куманово

„Претставата зборува за животот на младите луѓе, нивните борби, желби и мечти. Сижетото е проткаено од интересни ситуации со неочекувани пресврти што ветуваат исклучително задоволство кај гледачите и публиката“, стои во најавата на претставата.

Во претставата играат актерите: Богомила Николова, Борјана Бабанова, Дејан Жеков, Петко Венелинов и специјалниот гостин, Христо Мутафчиев кој е еден од најреномираните актери во Бугарија и претседател на сојузот на синдикатот на бугарските артисти.

Гостувањето е продолжение на меѓународната соработка која Центарот за култура ја има со Театрот од Ловеч.

Претставата започнува во 19 часот, а ќе се игра во малата сала.  

Влезот е слободен со претходна резервација и подигање на  билети на билетара во Центар за култура Куманово.