Повреден 64-годишен маж додека гаснел пожар во куќа во Никуљане

Се запалила куќа во селото Никуљане, општина Старо Нагоричане, а во пожарот е повреден 64-годишен маж, кој го гаснел огнот.

„Во 12.30 часот во СВР Куманово било пријавено дека настанал пожар во куќа во с.Никуљане, кумановско. При обид да го изгасне пожарот, С.Д.(64) од Куманово се здобил со повреди и бил пренесен во Општа болница Куманово за укажување лекарска помош. Пожарот бил изгаснат од екипа на Територијалната противпожарна единица Старо Нагоричане. Екипа од СВР Куманово извршила увид на местото“, соопшти МВР.

ТППЕ Старо Нагоричане интервенираше со 2 возила и 3 пожарникари до 16:15часот.