Премиера на детската претстава „Волшебникот од Оз“ во Центарот за култура

Ова е најновата детска претстава која ја подготви ансамблот на Театар Куманово, според делото на Лиман Франк Баум, а во режија на Бојана Краљевска Стојков.

„Една прекрасна приказна која сите ја знаеме, сите пораснавме со неа. Приказна која е безвременска која е една од најчитаните. Го играм ликот на Волшебникот од Оз, кој е посебно инспираривен лик кој всушност низ целата претстава е помеѓу лагата и вистината, доброто и злото“, истакна актерот Никица Јанковски, кој ја игра насловната улога.

Покрај Јанковски во прествата играат и Анастасија Величковиќ, Марко Трајковиќ, Александра Михајловска Величковски, Жарко Јовановиќ и Сања Русевска.

Сите детски претстави на Театар Куманов предизвикуваат големо внимание кај публиката, радост кај најмалите, а често се случува и да добиваат награди на различни фестивали во земјава.

Билетите можат да се купат на билетарата пред почетокот на претставата.