Три дeнa ќе се прска против глувци и бубашваби во Куманово

Активностите ќе се спроведуваат од 15 до 17 септември, секој ден во периодот од 08:00 до 15:00 часот, информираат од Општина Куманово.

Против глодарите ќе се користи препаратот „Дератион“ со активна материја Bromadiolone, кој ќе биде аплициран во канализационата мрежа. За уништување на бубашваби и други инсекти ќе се применува препаратот „Флитрин“.

Од Општината додаваат дека доколку временските услови не овозможат непречено изведување, акцијата ќе биде одложена за нов термин.