Најголемите лаги поврзани со квалитетот и ефективноста на вакцините против ковид-19

Со појавата на пандемијата на коронавирусот во јавноста испливаа голем број лаги и теории на заговор кои и ден денес се пласираат. Дезинформации почнаа да се шират и со појавата на вакцините против ковид-19, а во врска со нивниот квалитет и реакции. Ваквите дезинфромации ги шират пред сè антиваксерите, но има и лекари кои пласираат секакви невистини и сомнежи во врска со вакцините

Ќе продолжи дарувањето крвна плазма од лица кои прележале ковид

Во земјата не се укинува донирањето крвна плазма, вели директорот на Институтот за трансфузиона медицина, доктор Садула Усеини, кој нагласува дека се користи крвна плазма со највисок титар на антитела од прележани пациенти. Дарителите на конвалесцентна плазма може да донираат минимум 28 дена по повлекувањето на сите симптоми од болеста

Дезинформација е дека 90 проценти од починатите се вакцинирани

Фејсбук објава без докази и извори од релевантни институции, шири невистини дека 90 проценти од починатите овој месец се вакцинирани, додека анализите на Министерството за здравство покажуваат дека 79 отсто од починатите и 69 отсто  од новозаразените во изминатите  4 месеци се токму невакцинирани лица

Не е вистина дека вакцините не спречуваат заразни болести

Благодарејќи на имунизацијата многу заразни болести кои во минатото претставувале значаен јавно-здрaвствен проблем затоа што предизвикувале висок морбидитет, односно морталитет кај децата и возрасните, или предизвикувале компликации и инвалидитет, денес се елиминирани или ставени под контрола, сведени на поединечни случаи без смртен исход и трајни последици. Вакцините помагаат да се стават под контрола преку 20 болести како туберкулоза, дифтерија, детска парализа, сипаници, заушки и многу други кои без вакцините би биле смртоносни за многу луѓе ширум светот. Податоците на СЗО велат дека вакцинирањето спречува два до три милиони смртни случаи од болести во светот секоја година

Со вакцините против ковид не се модифицира геномот на личноста

Наспроти тврдењата во постот , во вакцините против ковид-19, нема мРНК модифицирачка трансхуманистичка нанотехнологија. мРНК технологијата потекнува од 1990, иако сега за првпат се користи во широкоупотребувани вакцини. Во вакцините на „Фајзер“ и „Модерна“, мРНК се наоѓа во ,,липидна капсула” или попрецизно, во обвивка од масти, која е опишана како наночестичка. Префиксот ,,нано” само значи дека е мала, а не дека е нанотехнологија. мРНК вакцините не користат наноротботска технологија. Присуството на наночестички во ковид вакцините не значи дека тие може да содржат мали роботи или компјутери

Што досега знаеме за новиот сој на коронавирусот „омикрон“?

На почетокот на декември жител на Калифорнија кој се вратил дома од Јужна Африка, беше идентификуван како првиот Американец заразен со Омикрон, а официјалните лица оттогаш ја открија варијантата во неколку држави, вклучувајќи ги Њујорк, Колорадо, Небраска, Минесота и Хаваи.  Откритието на „омикрон“ предизвика значителна паника низ целиот свет, при што голем број земји ги забранија летовите од јужна Африка. Израел, Јапонија и Мароко, пак, целосно забранија влез на странски патници. Експертите за јавно здравје повикаа на претпазливост, истакнувајќи дека сè уште нема цврсти докази дека „омикрон“ е поопасен од претходните варијанти како „делта“

Административниот пат на ковид вакцините од производителот до пациентите

Вакцините против ковид-19 кои стигнуваат во Северна Македонија, може да се набават само на два начина – или со регистрација, или со интервентен увоз. Без разлика за која законска варијанта ќе се одлучи Агенцијата за лекови и медицински средства – МАЛМЕД, вакцините поминуваат длабински контроли и процедури за регистрација, како и ревизија на документи и сертификати за безбедност. И донираните вакцини го поминуваат истиот контролен процес, како и оние коишто државата ги набавила. Околу 40 проценти од досега пристигнатите вакцини во земјава се донации

Како да извадите вакцинален сертификат за трета доза вакцина?

Откако Министерството за здравство препорача сите вакцинирани со две дози, да примат и трета бустер доза од вакцината против ковид-19, ако се во општа добра здравствена состојба и ако се изминати шест месеци од втората доза, граѓаните ја имаат таа можност на повеќе вакцинални пунктови во земјава, без закажување. Меѓутоа, доказот дека сте примиле трета доза вакцина е внесен во вакцинален сертификат кој се вади електронски, а не преку матичниот лекар

Нема починати и хоспитализирани лица вакцинирани со бустер доза

Засилувач (бустер) е дополнителна доза на вакцина, дадена откако заштитата што се обезбедува со оригиналната доза ќе започна да се намалува со текот на времето. Третата доза на вакцина против ковид-19 во Северна Македонија се аплицира од 27 септември како додаток на веќе досега примени две дози вакцина. Вакцинација со трета доза се врши исклучиво со вакцина од производителот „Фајзер“, без разлика со која вакцина лицето претходно е вакцинирано

Во кои држави ја има омикрон варијантата на коронавирусот?

Јужна Африка е првата земја што го пријави во СЗО омрикон сојот на коронавирусот, за кого главната загриженост лежи во шилестиот протеин, кој според првичните информации, има повеќе од 30 мутации па се смета дека е позаразен и полесно се пренесува. Дека омрикон пристигна и во Европа, потврдија Холандија, Белгија и Германија, а го има и во Чешка, Франција, Исланд, Ирска, Италија, Норвешка, Португалија, Шпанија, Швдска, Швајцарија, Луксембург, Грција и во Обединетото Кралство. И Индија ги пријави првите два случаја на омрикон варијантата на својата територија. Случаи потврдени на омрикон варијантата, се пријвени и во Австралија, Боцвана, Бразил, Канада, Хонг Конг, Гана, Израел, Јапонија, Нигерија, Саудиска Арабија, Јужна Кореа, Обединети Арапски Емирати и САД. Со ова, до 4 декември во 38 држави во светот се потврдени случаи на омикрон

Општина Дебар со најниска стапка на имунизација против коронавирусот

Според статистиката на Институтот за јавно здравје, во Општина Дебар има најмал опфат на вакцинација против коронавирусот, само 28.3 отсто од вкупното население е вакцинирано. Од дебарската болницата, пак, велат дека доколку се изземат печалбарите во Дебар, околу 50 отсто од населението со постојано живеалиште е имунизирано

Доктор Џавид Фејзули: Порано не се дискутираше дали да се прими вакцина или не

За време на епидемијата со големи сипаници – вариола вера, во поранешна Југославија за месец и половина се вакцинираше 18, 5 милиони народ. Тогаш немаше сакаш – не сакаш, вели во интервјуто за „Вистиномер“, пензионираниот раководител на службата за општа хигиена и здравствена екологија при Центарот за јавно здравје Тетово, доктор Џавид Фејзули. Ние имаме Закон за заштита на населението од заразни болести коишто ја загрозуваат целата популација. Така што, не може некој да вели јас сум господар на своето тело! Да, ама ако си опасен за мене и за другите околу, не можеш да правиш што сакаш, туку мора да почитуваш правила, нагласува доктор Фејзули. Тој во разговорот за „Вистиномер“ објаснува како течел процесот на имунизација против вариола вера во седумдесетите години на минатиот век, говори и за појавата на голем број антиваксери и какво влијание имаат тие врз широките народни маси

Технологијата на мРНК вакцините е надеж за создавање и вакцина против ХИВ

Со децении научниците мака мачат да создадат вакцина против ХИВ, тргнувајќи од логиката, односно од традиционалното размислување, дека вакцината треба да го поттикне природниот имунсистем да одговори на вирусот. Проблемот со ХИВ е во тоа што природниот имунитет не е доволно силен да се бори против вирус. Научниците се надеваат дека мРНК вакцината произведена од „Модерна“ и од „Фајзер“, може да биде пресвртница во создавањето вакцина против ХИВ

Барт Сомерс не е белгиски министер за здравство и не учествувал во лажна вакцинација, туку во тестирање пред вакцинација

Првата дезинформација е дека Сомерс е министер за здравство на Белгија. Тој никогаш не бил на таа функција. Видеото, пак, е земено од телевизиска станица, а на него се гледа проба во вакцинален центар, кој уште не бил отворен во моментот на снимањето, меѓутоа се вршело тестирање на процедурата пред да биде навистина отворен за јавноста подоцна

Инхалацијата на пареа не штити од заразување со коронавирусот и не лечи ковид-19

Нема докази дека вдишувањето на пареа функционира како третман за коронавирус. Напротив тоа може да биде штетно, изјави за „Вистиномер“ доктор Симона Сапунџија, специјализант по оториноларингологија. Д-р Бенџамин Нојман, експерт за коронавируси, кој претседава со одделот за биолошки науки на „Универзитетот Тексас А&М“, вели дека белите дробови се нежни, а ако пареата е многу жешка, тоа не е добра комбинација. Ниту Американскиот центар за контрола и спречување на болести (ЦДЦ), ниту Светската здравствена организација (СЗО) не сугерираат терапија со пареа со која било состојка како лек за коронавирусот

Рекламите на Кока кола и мутациите на коронавирусот се неспоредливи

Тврдењето дека целта на новите мутации е да ја рекламираат „пландемијата“, како што во постот е именувана пандемијата со коронавирусот, за да се продава стравот, нема никаква основа. Човекот засега нема контрола врз мутациите на вирусот, според тоа, ниту може да управува со неговата распространетост. Откриени се бројни мутации кај вирусот САРС-КоВ-2 од почетокот на пандемијата, но само два случаи на мутации претставуваат поголема закана. Овие соеви на вирусот се нарекуваат алфа и делта. Најновиот вид наречен Омикрон, откриен неодамна, го загрижи светот поради тоа што има дури 32 различни варијанти и поради тоа се нарекува супер вирус