Зачленете се во нашиот клуб на читатели и најновите текстови ќе ги добивате на вашата мејл адреса
Општина Крива Паланка, во соработка со ЈП „Комуналец“, склучи неколку договори со лиценцирани колективни постапувачи за разни видови на отпад, кој може и треба да се рециклира. Операторите имаат обврска да постават соодветни садови и подигање на определениот вид на отпад од подрачјето на градот и приградските населби.
Од страна на колективниот постапувач „Екон Електрон“ веќе се поставени соодветни садови на три локации за одлагање на електронски и електричен отпад, кој е особено опасен за животната средина. Меѓу нив е и еден поголем контејнер кој е од од затворен тип и кој ќе служи како собирен центар за поголеми електронски апарати и уреди кои не се во употреба и од кои граѓаните имаат потреба да се ослободат.
„Со цел создавање на услуги поблиску до граѓаните , општината продолжува со поголем интензитет на поставување соодветни садови за селекција на отпад и затоа се молат граѓаните соодветно да ги практикуваат“, велат од локалната самоуправа.
Оттаму посочуваат дека активностите се согласно законската регулатива за селекција и соодветно управување и пострапување со отпадот и заштита на животната средина.
Зачленете се во нашиот клуб на читатели и најновите текстови ќе ги добивате на вашата мејл адреса
