Бесплатни третмани за децата со посебни потреби во центaрот „Прогрес“ во Куманово

Здружението за лица со посебни потреби „Прогрес“, од Куманово, дава бесплатни логопедски, дефектолошки, психолошки и физиотерапевстки третмани за деца, и за лица до 18 години, со важечка Меѓународна класификација на фунционирање (МКФ).

„Центарот има најсовремена опрема за потребите на секое дете . Часовите ги спроведуваат стручни и лиценцирани лица, кои работат со децата за усвојување на интелектуални , моторни , когнитивни и комуникациски вештини. Развојот на фина и груба моторика , подобрување на концентрација и внимание, стимулација на говорно јазичен развој и развивање на емоционални вештини. Во состав на физикалната терапија, опфатена е рехабилитацијата на деца со инсуфициентен психомоторен развој. Се користат разни методи и практики, кои се реализираат низ процесот на рахабилитација. Освен класичните форми-разни видови на вежби и масажи, центарот е опремен со разновидни справи и помагала за спроведување на процесот на кинезитерапија и рехабилитација“, велат од Центарот.

Здружението има склучено договор со Министерството за труд и социјална политика и е овластен лиценциран давател на услуги за целиост Североисточен регион.

Сите третмани се бесплатни и се финасирани од страна на Министерството за труд и социјална политика. За првпат во општина Куманово има мултиетнички тим каде процедурите ќе можат да се извршуваат на македонски и албански јазик.

Сите процедури ќе се спроведуваат во нашиот центар на веќе познатата локација ул. Моша Пијаде 117/1 - Куманово. Доколку сте заинтересирани или имате било какви прашања контактирајте не на следните телефонски броеви: 031/443-555, 072-232-422, 072-272-358.