Групна изложба на современи македонски уметници во Куманово

На изложбата ќе учествуваат 12 македонски автори: Јоана Арсовска, Боро Арсовски, Гоце Божурски, Драган Бошковски, Далибор Јовановски, Владимир Лазески, Данчо Ордев, Александар Стефановски, Христина Стојчевска, Лара Ташковска, Емилија и Стојче Тоциновски и Мирослав Мики Трендафиловски.

„Посетителите ќе имаат можност да видат 30 дела изработени во техники масло на платно, акрил на платно и акварел, со различни авторски пристапи, ликовни изрази и творечки преокупации во современата македонска уметност. Целта на изложбата е промоција и популаризација на современата македонска ликовна уметност, како и афирмација на домашните ликовни уметници и нивното творештво пред пошироката јавност“, стои во соопштението на „Мотус“.

Организаторите ги покануваат љубителите на уметноста да присуствуваат на отворањето на изложбата и да го проследат творештвото на учесниците.

Проектот е финансиски поддржан од Општина Куманово преку Годишната програма за култура.