По владината реконструкција, Стоилковиќ во локална самоуправа, Клековски во здравство

Премиерот и лидер на ВМРО-ДПМНЕ Христијан Мицкоски по вечерашниот партиски состанок на Извршниот комитет ги соопшти кадрите опфатени со  реконструкцијата на Владата.

Од ВМРО-ДПМНЕ министер за здравство ќе биде Сашо Клековски, а досегашниот министер за локална самоуправа Златко Перински ќе раководи со ФЗО.

За министер за социјална политика, демографија и млади е предложен досегашниот заменик-министер Ѓоко Велковски, а за министер без ресор за интеграција на Ромите е предложен Ерџан Демир.

Партијата ЗНАМ ќе го преземе Министерството за земјоделство, шумарство и водостопанство, а министер ќе биде Борче Серафимовски. На чело на Министерството за јавна администрација останува досегашниот министер Горан Минчев.

„Вреди“ ќе раководи со Министерството за правда, Министерството за култура и туризам, како и со Министерството за односи меѓу заедниците.

„Оваа реконструкција е почеток на нова фаза по изминати две години од работата на Владата, период исполнет со сериозни предизвици, поставување темели, стабилизација на состојбите и реализација на крупни проекти. Сега следува период во кој фокусот уште повеќе ќе биде ставен на ефикасноста, динамиката и испораката на резултати за граѓаните“, кажа Мицкоски.