Зачленете се во нашиот клуб на читатели и најновите текстови ќе ги добивате на вашата мејл адреса
Во малата сала на Центарот за култура „Трајко Прокопиев“ Куманово утре во 11 часот ќе се одржи креативна работилница и промоција на сликовниците „До небото и назад“ и „Љубов во топка“ од авторката Ана Јовковска.
„До небото и назад“ и „Љубов во топка“ се најновите книги за деца на авторката Ана Јовковска, илустрирани од страна на Иванка НиБа. Во сликовниците е обработена темата за детската безусловна љубов, бидејќи децата даваат и љубат од срце,без да мерат колку дале и колку треба да земат. Детето кое е сакано љубовта ја гледа во се околу себе, па лесно се поврзува со се она што го опкружува. Тие се најдобри учители, преку нив можеме да станеме подобри личности, подобри родители, наставници и воспитувачи. Овие приказни треба да им покажат на децата дека љубовта ја следат широк спектар на емоции од кои не треба да се плашат.Емоциите не секогаш се пријатни, но секогаш носат порака. Кога ќе ја декодираме скриената порака емоционално растеме и го зајакнуваме психолошкиот имунитет.
На работилницата ќе присуствува и илустраторот Иванка НиБа. Настанот е дел од годишната литературна програма на НУЦК за 2025 година поддржана од Министерство за култура и туризам.
Зачленете се во нашиот клуб на читатели и најновите текстови ќе ги добивате на вашата мејл адреса
