Куманово меѓу градовите со најмногу заболени од грип

Куманово е на трето место со 266 заболени од грип. 

Во однос на возрасната дистрибуција, најмногу заболени се лица на возраст од 15 до 64 години – 1.378. Следуваат 369 лица постари од 65 години, 316 деца на возраст од 5 до 14 години и 259 деца на возраст од 0 до 4 години. Највисока инциденца е регистрирана кај децата од 0 до 4 години.

Заболените се пријавени од 25 центри за јавно здравје и подрачни единици. Најмногу случаи има во Скопје – 556, Тетово – 308 и Куманово – 266, по што следуваат Охрид – 202, Прилеп – 127, Велес – 111, Кавадарци – 109 и Штип – 95. Во Струмица и Битола се регистрирани по 87 случаи, Дебар – 78, Гостивар – 71, Неготино – 54 и Македонски Брод – 42. Во Кичево, Гевгелија, Свети Николе, Кочани, Виница, Крива Паланка, Кратово, Струга, Валандово, Пробиштип и Радовиш бројот на заболени е помал од 30.

Во текот на втората недела од 2026 година е пријавен и еден смртен случај асоциран со грип. Станува збор за 75-годишна жена од Скопје, која била хоспитализирана на Универзитетската клиника за инфективни болести и фебрилни состојби. Кај починатата биле утврдени коморбидитети, а таа не била вакцинирана против сезонски грип. Лабораториски е потврдено присуство на вирусот Influenza A.

(фото.архива)