Маскенбалот „Батко Ѓорѓија“ утре на Градскиот плоштад во Куманово

Ревијата на маски ќе започне во 10:00 часот, а учество ќе земат ученици од сите основни и средни училишта од општината, како и децата од градинката „Ангел Шајче“.

Маскенбалот има ревијален карактер, па наместо награди, сите учесници ќе добијат благодарници за учество.

Манифестацијата е во организација на Фондацијата за култура и спорт „Куманово“, под покровителство на градоначалникот и Советот на Општина Куманово.

Маскенбалот „Батко Ѓорѓија“  се одржува по 22. пат.