Нов уреден и атрактивен простор покрај кејот на Кумановка, најави Анастасовска

„Со новиот урбанистички план се овозможува изградба на ресторани, кафетерии, пешачки зони и зелени површини со модерен и атрактивен изглед. “River Urban Place“ вклучува:изградба на модерна пешачка и велоспедска патека, уредни зелени површини со нови дрвореди и урбана опрема (клупи, осветлување, корпи за отпадоци, зона за спорт и рекреација, фитнес на отворено, игралиште за деца, места за прошетки и трчање), а најважно од сѐ чиста и заштитена река, нешто што со години претставува проблем за градот“, кажа Тамара Анастасовска, кандидатка за советник од СДСМ и коалицијата.

Рокот за реализација на „River Urban Place“ е од 18 до 24 месеци, во зависност од фазите на планирање и изградба, додека буџетот се проценува на 10 до 15 милиони денари.

„Ова не е само проект за убавина, туку за животен стандард, економија и иднина. Кејот ќе стане центар на социјалниот и културниот живот, место каде граѓаните ќе се чувствуваат безбедно и ќе се сретнуваат семејства, спортисти и млади луѓе со нови идеи. Нашиот град заслужува ваква реалност“, порача Анастасовска.

Со поддршката на граѓаните на претстојните избори, СДСМ и Коалицијата најавуваат дека кејот ќе се претвори во симбол на нова енергија на Куманово.